Основното јавно обвинителство Скопје денеска отвори истражна постапка против 59 годишната негувателка која вчера тепаше двегодишно дете во игротека, за кривично дело – Запуштање и малтретирање на дете од чл.201 ст.1 од Кривичниот законик.
Судија на претходна постапка и одреди 30-дневен притвор на негувателката, поради опасност од бегство, влијание врз сведоци и поради можност да го повтори делото.
Осомничената на 21 ноември, во игротека во угостителски објект, тепаше двегодишно дете за кое била ангажирана како негувателка.
За кривичното дело – Запуштање и малтретирање на дете, предвидена е казна затвор од една до десет години.
