Полициски службеници на СВР Тетово денеска од 12 до 16 часот, спроведоа акциска контрола за санкционирање на непрописно престигнување, во која вкупно се откриени и законски санкционирани 30 прекршоци (ТЕ-22 и ГВ-8).
На сите прекршители, како што соопшти МВР, изготвени им се соодветни поднесоци и тие ќе се соочат со законски предвидените парични глоби и со заштитна мерка-времено одземање на возачките дозволи.
– СВР Тетово со апел до возачите да не престигнуваат на непрегледни и забранети места, да ја прилагодат брзината според условите на патот и непосредно да придонесат за сопствената и вкупната сообраќајна безбедност на патиштата во Полог и пошироко, наведуваат од МВР.