Кумановските пожарникари изминатото деноноќие интервенирале на три пожари.
Како што соопшти денеска РЦУК Куманово, тројца со едно противпожарно возило гаснеле запалена сува трева во населбата „Перо Чичо“ од 10:20 до 11:00 часот, додека по еден час, четворица нивни колеги интервенирале на запалено стрниште на површина од пет хекатри во кумановското село Романовце. Пожарот бил локализиран во 14.15 часот.
Од 15:10 до 16.35 часот е интервенирано на опожарена сува трева со површина од 2.000 метри квадратни во Новосељане. Во гаснењето биле вклучени четворица пожарникари со едно противпожарно возило.