Три политички партии досега доставиле листи за изборите на 12 април до ДИК

Од:

До Државната изборна комисија (ДИК) до денеска кандидатски листи доставиле три политички партии. Рокот за доставување листи за претстојните предвремени избори на 12 април завршува утре на полноќ.

Портпаролот на ДИК, Адмир Шабани, вели дека и покрај состојбата со корона вирусот и мерките што се преземени, ДИК продолжува да работи, но истовремено ги почитува и мерките на Владата.

-Постапуваме по заклучоците на Владата. Едукацијата на избирачките органи е одложена, а ќе се постапи и по укажувањата да се замени медицинскиот персонал во ОИК и Избирачките одбори. Ние продолжуваме со работа. Како ќе се постапи понатаму зависи од одлуките на Владата и од она што ќе биде исход од утрешната средба на лидерите, рече Шабани.

До ДИК до денеска листи доставиле Работничката партија за шест изборни единици, ГДУ за пет изборни единици и Глас за Македонија за пет изборни единици.

Најголемите политички партии во земјата веќе ги соопштија и ги презентираа носителите и кандидатските листи. ДИК, како што потенцира, Шабани утревечер до полноќ, како што е предвидено со Деловникот за работа за изборите на 12 април ќе ги прима листите од учесниците на изборите.

Вечерва на полноќ, пак, завршува рокот за увид во Избирачкиот список и за пријавување на дијаспората за гласање на предвремените парламентарни избори.

Би можело да ве интересира

ДИК: Потврдени се 303 листи за градоначалник на општините и на Град Скопје

А1он

Костадиновски: Одлуката на ДИК да оди со два потписи, која не претставува ограничување, претставува и имплементација на одлуката на Уставниот суд

Уставен не поведе постапка за Правилникот на ДИК

Правилникот на ДИК за собирање потписи за кандидатските листи за локалните избори пред Уставен суд

18 кандидати за градоначалник на Скопје, 20 листи за членови на Советот

Катерина Ѓуровски

ДИК: Доставени се вкупно 69 иницијативи за предлагање на листи за градоначалници на општините и градоначалник на Град Скопје