Пешак, возач и сопатник биле потешко повредени во три од вкупно 11 сообраќајни несреќи регистрирани во текот на вчерашниот ден на подрачјето на СВР Скопје. Во шест сообраќајки со полесни повреди се здобиле шест лица, а во две била причинета материјална штета.
Како што информира МВР, во изминатото деноноќие сообраќајната полиција открила и санкционирала поголем број прекршоци. Двајца возачи поминале на црвено светло на семафор, 19 биле без возачка дозвола, односно со нерегистрирано возило, а деветмина зборувале на мобилниот телефон. Санкционирани биле и 11 пешаци кои поминале вон обележан пешачки премин, односно поминале на црвено светло на семафор. Затекнати биле 54 непрописно паркирани возила.
Со помош на специјалното возило пајак, се отстранети 58 возила.
Во рамки на сообраќајно воспитната акција „Да ги заштитиме децата во сообраќајот, Одделението за превенција денеска ќе реализира едукативни работилници со ученици од четврто одделение во ООУ „Ј.Х. Песталоци“ кое се наоѓа на подрачјето на општина Центар.
