Три лица добија по 30 дена притвор за полов напад врз дете

Од:

Судија на претходна постапка од Основниот суд Гостивар на три лица осомничени за полов напад врз дете им определи мерка притвор од 30 денови.

Претходно, по барање на јавен обвинител, кој поведе постапка, на тројцата првично им беше одреден краткотраен притвор од 48 часа. Во Основното јавно обвинителство Гостивар е поведена постапка против три лица за кои постои сомнение дека во повеќе наврати извршиле кривично дело полов напад врз дете кое не наполнило 14 години од член 188 став 1 во врска со член 45 од Кривичниот законик.

Обвинителството во постапката има основани сомненија дека во вршењето на ова кривично дело учествувале осомничените, но и други лица за кои во моментов се преземаат дејствија за нивно пронаоѓање и идентификација. Детето на возраст од 13 години било во повеќе наврати злоупотребувано од страна на возрасни лица.

– До овој момент е утврден идентитетот на петмина сторители, од кои тројца се лишени од слобода, за двајца е распишан распис за нивно пронаоѓање.

Надлежниот јавен обвинител издаде наредби и насоки за натамошно утврдување на меѓусебната поврзаност помеѓу инволвираните осомничени. Според првичните информации постои веројатност во предметот да бидат опфатени и други лица, наведуваат од Јавното обвинителство.

Детето по наредба на обвинителството е згрижено од страна на Центарот за социјални работи.

Би можело да ве интересира

14-годишен малолетник од Кичево осомничен за силување на четиригодишно девојче

Познат британски политичар уапсен под сомнение дека силувал деца

15-годишно момче од Гостивар силувало петгодишно девојче

Ја истепал и ја силувал во автомобилот на татко му, се бара пртивор за скопјанец

Истрага за обид за силување во Скопје, притвор за осомничениот велешанец

Маж од радовишко силувал 12-годишно девојче