Кумановските пожарникари интервенираа утрово на опожарена површина на местото викано „Почивалец“ на Никуљски пат, информира Територијалната противпожарна единица Куманово.
Тројца пожарникари со едно противпожарно возило од 7.15 до 9.10 часот го гаснеле пожарот, кој зафатил сува трева и стрниште. Вчера, ТППЕ Куманово гаснеше пожар на запалена сува трева и стрниште во Долно Којнаре. Пожарникарите интервенирале два часа, од 22 часот до полноќ.
Пожарникарите вчера во три наврати гаснеле пожари во близина на наплатната рампа Романовце, на лева и десна страна во различни периоди од денот.
Во сите одделни интервенции учествувале по четворица пожарникари со едно противпожарно возило. Првпат интервенирале од 11.40 до 12.30 часот, втората интервенција била половина час, а се случила околу 14 часот и последната интервенција е во вечерните часови, од 20 до 21.25 часот.
