Генералното собрание на Заедницата на единиците на локалната самоуправа на Република Македонија (ЗЕЛС) денеска ќе одржи трета седница, на која претседателот на ЗЕЛС Коце Трајановски пред градоначалниците-делегати на Собранието ќе поднесе извештај за резултатите од работењето на ЗЕЛС во 2013 година и за реализираните активности во првите шест месеци од оваа година.
Генералното собрание ќе го разгледа и финансискиот извештај на ЗЕЛС за 2013 година, по што е планирана дискусија за предизвиците со кои се соочуваат локалните власти, а ќе бидат изнесени и предлози и иницијативи за понатамошните чекори во развојот на општините.
На седницата ќе се обратат министерот за локална самоуправа Лирим Шабани и амбасадорот на Швајцарија Стефано Лазарото, долгогодишен поддржувач на демократските процеси во локалната власт во земјава.
Имплементацијата на процесот на децентрализација на власта во Република Македонија официјално почна на 1 јули 2005 година.