Од предпладнево од 10 часот пожарникарите од Територијалната противпожарна единица од Велес, работат на ликвидација на големиот шумски пожар кој од петтокот од 13:10 часот, веќе трет ден беснее над железничката станица „Рајко Жинзифов” на теренот кон селото С`лп .
Како што информираат од ТППЕ Велес се очекува наскоро пожарот да биде целосно изгаснат.
Во овој голем шумски пожар во изминатите дена изгореа над 200 хектари ниско стеблеста дабова шума.
Поради пожарот кој е во близина на Велес, граѓаните го чувствуваат димот и миризбата на изгорено.
