Трансперенси Интернашнл објави нов индекс на перцепција за корупцијата во државите.
Во нивната анализа се опфатени 180 држави во светот според тоа колку тие се бореле против корупцијата.
На врвот на листата според корупција се африканските држави.
Сомалија, Јужен Судан, Сирија, Јемен и Венецуела се држави со највисоко ниво на корупција според Трансперенси Интернашнл.
Скалата на оценување започнува од 0, за најмногу корумпирани и оди до 100, за најмалку корумпирани држави.
Од Европа, најмалку корумпирани се државите од Западна Европа, како: Германија (80), Холандија (82), Норвешка (84), Швајцарија (85), Шведска (85) и Финска (86).
Состојбата на Западен Балкан, од друга страна е поразлична, тоа е регион со најголема корупција во Европа.
Според индексот на организацијата, Косово и БиХ (36) се најкорумпирани држави, а веднаш по нив доаѓа и Македонија (35) која е 106та на листата од вкупно 180 држави.
Тоа е пад за едно место, во споредба со 2018 година кога државата го завзема 107 место со Виетнам и Етиопија.
Од регионот, најмалку корумпирана држава е соседна Грција (48) која се наоѓа на 60 место во свет.