63-годишен жител на селото Младо Нагоричане го загуби животот откако тракторот на кој бил сопатник се преврте во канал на локален пат во кумановско. Тој починал на местото на несреќата, смрт констатирал лекар на Итната медицинска помош.
Во несреќата повредена е и малолетничката која го управувала тракторот.
– На 28.05.2023 во 17.20 часот било пријавено дека на локален пат во с.Тромеѓа, кумановско, трактор управуван од малолетничка од с.Тромеѓа излетал од патот и паднал во канал. На местото на несреќата починал сопатникот М.С.(63) од с.Младо Нагоричане, а од страна на лекар од Итната медицинска помош констатирана била смрт. Со телесни повреди се здобила малолетничката, констатирани во Општата болница Куманово. Извршен бил увид од Јавен обвинител и увидна екипа од СВР Куманово, информира МВР.