Павле Трајанов, носител на листата за пратеници во првата изборна единица, на прес конференцијата се обрати до припадниците на полицијата „Загрозена е стабилниста на државата, со изборите владејачките партии се обидуваат да го прикријат криминалот, злоупотребата на системите за прислушкување и фалсификување на волјата на граѓаните”.
Во 91/92 заедно спасивме 12.000 млади регрути да заминат на туѓ фронт, ги обезбедивме границите, остваривме ефективна контрола над целата територија на Македонија, ја принудивме ЈНА да си замине и несебично се вградивме во изградбата на самостојна и независна Македонија.
Сега повторно е време за храбри луѓе и храбри одлуки, затоа ве повкувам да направите се за да имаме услови за фер, демократски и кредибилни избори.
Бидете со народот, бидете со нас, за после 11-ти декември да обезбедиме стабилност, за да се врати мирот и спокојството во секој дом, во секое е семејство.
Само со промена на власта ќе се отворат перспективи за да младите останат овде во Македонија.
Граѓаните се под притисок на власта, не се чувствуват безбедни, постои неизвесност и стравување за иднината на државата.
Секојдневно се вршат провални кражби во станови, сериозно е загрозена личната безбедност на граѓните и затоа ќе ги вратиме полицајците да бидат помеѓу граѓаните.Знам дека сите заедно ќе го срушиме режимот. Ајде приклучете ни се и да ги испратиме криминалците каде што им е место.
Се обраќам и до сите просветни работници, до професорите „Вие сте инелектуалната сила која ги образува и воспитува младите, учениците и студентите. Ве повкувам, да ни се приклучите и да го срушиме овој режим, кој секојдневно ве тероризира и Ве присилува да одите на митинзи. Колицијата за Промени и Правда е со Вас, има услови и тоа го заслужувате, да имате двојно повисоки плати, а екстерното тестирање ќе го укиниме”, нагласи Павле Трајанов.