Српската амбасадорка во Скопје, Душанка Дивјак Томиќ утрово беше во Министерството за надворешни работи на Македонија каде требаше да објасни што барал нејзиниот советник и офицер на Безбедносно-информативната агенција (БИА), Горан Живаљевиќ во Собранието кога толпата тепаше пратеници.
Живаљевиќ тогаш изјави дека ги следел настаните од терен со цел да види дали во толпата има срби, а истото го кажа и премиерот на Србија Александар Вучиќ.
Дивјаќ Томиќ по средбата во МНР рече дека се што требало да се каже е веќе кажано.
– Од мене нема да добиете ништо повеќе. МНР ќе реагира дипломатски, рече Томиќ.
И српскиот шеф на дипломатијата, Ивица Дачиќ, соопшти дека Живаљевиќ не се мешал во внатрешните работи на Македонија.
– Не извршил никакво дело, не се мешал во внатрешните работи на Македонија и затоа нема причина кој било да протестира против нас поради тоа. Негова задача е тој да не информира, рече Дачиќ.