Министерството за здравство е подготвено да даде логистичка поддршка за повредените во автобуската несреќа кај Ѓер, најави денеска министерот за здравство Никола Тодоров. Повредени се 28 лица, од кои 21 се македонски државјани.
– Повредените Македонци се сместен
и во една од најсовремените болници во која има ургентен центар и центар за траума. Подготвени сме да испратиме амбулатни возила и медицински екипи за транспорт на повредените, изјави Тодоров, нагласувајќи дека досега се побарани само две медицински возила.
Тој додаде дека Министерството за здравство е подготвено да обезбеди превоз и за полесно повредените патници од сообраќајната несреќа доколку е потребно.