Дождот и невремето кое го зафатија Скопје и околината во минатата сабота за министерот за здравство и заменик претседател на владата, Никола Тодоров е редок феномен против кој нема спас.
-Тоа беше природен феномен кој се случува еднаш на 10 века и не можеше да се спречи. И најјаките земји се немоќни пред природните феномени, рече Тодоров.
Дали можело поефикасно да се справи државата? Армијата и државата направија и прават се што може да се направи. Знам многу лични примери и ја гледам нескршливата волја на моите сопратијци, градоначалници, директори на институции, рече тој и посочи дека државата е пример како се справува со вакви непогоди.
-Секој кој се фати за лопата е херој на ова време, многу е јасна разликата меѓу оние кои сакат да прават политика и оние кои сакат да помогнат. Не е време за дискусии, сега е време за работа и ајде со лопата во рака, повика Тодоров.
Сакам објективно да кажам дека на терен видов луѓе од СДСМ, ДПА, ДУИ, Социјалистичка партија и благодарност до сите вас кои сте помогнале и сте направиле добро дело. Ние ќе бидеме на терен до последната улица, се што е уништено ќе биде повторно создадено, рече Тодоров.
Според него, досега се попишани над 600 моторни возила кои се уништени во поплавите, над 40 домаќинства, а активноста продолжува и во слдниот период.
-Но ќе бидат потребни неколку недели можеби и месеци, рече Тодоров.