„ТНТ“ засега продолжува, поротничката останува

Од:

Поротничката Лилјана Ивановска-Кочковска ќе биде дел од судечкиот совет и на следното рочиште за случајот „ТНТ“, кое е закажано за 17 јануари. За нејзиниот мандат, Судскиот совет ќе се одлучува десет денови по рочиштето, односно крајот на јануари. Ова доаѓа откако на две седници по ред, точката за нејзино разрешување не стигна да биде дискутирана, по што, ќе биде донесена одлука.

Со неразрешување на поротничката Ивановска-Кочковска, судењето за „ТНТ“ продолжува со доказната постапка и не се враќа од почеток.

Адвокатите на обвинетите сметаат дека доколку Ивановска-Кочковска и натаму е дел од судечкиот совет, тогаш се прави суштествена повреда на постапката. Судијата Огнен Ставров е на ставот дека доколку не добие одлука за престанок на мандатот на поротничката, не може да стори ништо.

Поротничката има навршено шеесет години и затоа треба да биде разрешена, предвидува Законот за судовите. Неколкупати досега на судењата за „ТНТ“ беше оспорувана возраста на Ивановска-Кочковска, а поради тоа, беше барано и одложување на рочиштата.

Обвинителот Бурим Рустеми, кој го застапува предметот „ТНТ“ за уривањето на „Космос“, по последното рочиште, рече дека очекува судењето да почне од почеток поради истек на мандатот на поротничката. Обвинителот тврди дека делата за кои се сомничат обвинетите не може да застарат.

Првпат за возраста на поротничката Кочковска спомна пратеникот Илија Димовски во предметот „Талир“. Тој пред судот рече дека според Законот за судовите, на две поротнички им истекол мандатот поради наполнети 60 години и заради економичност на постапката побара одлагање на судењето за да се надмине ситуацијата.

Доколку Ивановска-Кочовска биде разрешена, тогаш предметите „Тендери“, „Топлик“, „ТНТѐ“, „Талир“ и „Монструм“ ќе треба да се вратат на почеток. Одложување на судењето за „Монструм“ поради истата причина се очекува да има и в петок, за кога е закажано рочиште. Само во предметот „Титаник“ има резервен поротник.

Би можело да ве интересира

Пресудата не може да опстои, лажна исправа не е изработена, вели адвокатот на сопственикот на „Беса Транс“

Додик го слушна обвинението: Измислица на обвинителството за политички притисок, фактите немаат врска со мене

А1он

Утре почнува судењето на родителите на Коста кој изврши масовно убиство во училиштето „Владислав Рибникар“

А1он

Девојка во Русија е осудена на 27 години затвор за убиството на воениот блогер Владлен Татарски

Трамп во судница во Њујорк: Имаме ситуација каде што сум невин, судијата не ме слуша зошто му е досадно

А1он

Две и пол години затвор за Мухамед Зеќири, треба да врати и над 71 милион денари во државниот буџет

Александар Тодески