Откако Управниот суд одлучи петте хектари на манастирот „Св. Наум“ во владение на Македонската Православна Црква да и ги одземе и да ги даде на државата, Владиката Тимотеј најавува дека Црквата ќе поднесе жалба на таа одлука. Тој во телефонски разговор тој рече дека одлуката ќе ја обжалат на Виш Управен.
Ние и вчера во соопштението рековме дека одлуката ќе ја обжалиме на Виш Управен суд – рече Владиката Тимотеј.
Во однос на коментарот за тоа дали знае за кого е наменето земјиштето имајќи во предвид дека на индискиот бизнисмен му беше одземена банкарската гаранција и пропаднаа најавуваните инвестиции во источниот регион, Владиката Тимотеј не сакаше да коментира само потврди дека Црквата не е заинтересирана за никакво отуѓување на нејзиното земјиште.
Не сакам да коментирам дали е за Субрата или за некој друг „Субрата“, но во секој случај Црквата не е заинтересирана за отуѓување на нејзиниот имот – додаде Владиката Тимотеј.
Тој претходно во јавноста рече дека доколку државата сака да го продава атрактивното земјиште по цена од 200 денари за метар квадратен, спремен е тој да го откупи од неа.
Ф.Ј.