Митрополитит на Дебарско-кичевската епархија г. Тимотеј, искажува сомнеж дека Паско Кузман, директор на Управата за заштита на споменици на културата, направил нешто недозволено, односно дека нешто присвоил.
– Лично се сомневам дека било што направил, дека било што присвоил. Жалам што го вклучуваат во нечесни дејанија, Паско има големи заслуги за Цркавата, отсекогаш бил коректен кон МПЦ и без оглед како ќе го третираат, ние ќе му бидеме благодарни. Црквата имала периоди на добра и недоволна соработка со државните институцуии. Со Паско Кузман и кога бил само археолог и кога бил раководител на институции (Заводот и Музеј во Охрид, Управата за заштита на споменици на културата), секогаш сме имале коректна соработка – вели митрополитот Тимотеј, во изјава за охридското Супер радио.