Петмина македонски полицајци ќе се грижат за безбедноста на Европското фудбалско првнество на кое ќе учествува и нашата репрезентација. Тие во периодот од 11 до 18 јуни ќе бидат во Букурешт каде што македонскиот национален тим ќе одигра две средби од групната фаза.
„Задачата на нашите полициски службеници е заедно со полициските тимови на Романија, Австрија и Украина да создадат безбедносни услови овој значаен спортски настан да помине согласно највисоките безбедносни стандарди, истовремено и да им излезат во пресрет на нашите граѓани кои ќе бидат присутни во Букурешт за време на настанот“ – информираат од МВР.