„Иако подолго време Собранието, со тоа и волјата на граѓаните на брутален начин беа узурпирани од страна на ВМРО-ДПМНЕ, сепак професионалноста, посветеноста и одлучноста на ново собраниско мнозинство се покажаа како успешни алатки за конечно поразување на овој фашистички режим.
ВМРО-ДПМНЕ и коалицијата вчера ја одигра последната злосторничка игра со тоа што директно иницира напад врз Собранието на Република Македонија. Најостро ги осудуваме сите напади врз пратениците и новинарите кои храбро и достоинствено си ја вршеа својата должност.
Апелираме до граѓаните да бидат трезвени и стрпливи и да не паѓаат на провокациите. Исто така упатуваме апел и до новата опозиција предводена од ВМРО-ДПМНЕ да престанат со недемократските начини на дејствување и да се соочат со реалноста.
Денес е историски момент во историјата на независна Македонија која повторно ги враќа демократските принципи.
Партијата за Движење на Турците во Македонија го честита изборот на Претседател на Собранието на Р.М. и воедно посакуваме успешна и професионална работа на господинот Талат Џафери.
Се враќа животот во Македонија“, се вели во соопштението на Партијата за Движење на Турците во Македонија – ТХП.