Теута Арифи се сретна со турскиот премиер Ердоган

Од:

Во рамки на работната посета на Република Турција, заменикот на претседателот на Владата на Република Македонија задолжен за европски прашања, Теута Арифи денеска се сретна со премиерот на Република Турција Реџеп Таип Ердоган.

За време на средбата се разговараше за билатералните односи меѓу Македонија и Турција особено од аспект на интеграцијата во Европската унија, соопшти Секретаријатот за европски прашања.

Соговорниците се согласија дека меѓусебните односи и соработката меѓу двете земји се на одлично ниво, а со потпишувањето на Протоколот за соработка ќе се овозможи продлабочување на соработката и во делот на евроинтеграции.

Вицепремиерот Арифи информираше и за тековните активности кои се преземаат во нашата земја во однос на реформите од европската агенда. Арифи посочи дека Владата усвои и Акциски план со кој се адресираат препораките нотирани во Извештајот за напредокот на Македонија.

Премиерот Ердоган истакна дека интеграцијата на земјите од Балканот и Турција во Унијата е важна за понaтамошниот напредок на регионот и истакна дека Турција и во иднина ќе ја поддржува евроатлантската интеграција на Македонија.

Би можело да ве интересира

(ВИДЕО) Драма во Анталија: 800 пожарникари се борат со пожари, наредена е евакуација

(ВИДЕО) Осуммина повредени во судир на бродови близу Истанбул

Горан Наумовски

Турската полиција за седум дена уапси 161 терорист

Обвинувања од Анкара – Америка е лицемерна во преговорите меѓу Израел и Хамас

Турција почна со производство на тенкот „Алтај“ со домашен мотор

А1он

Инфлуенсерка од БиХ ја разбесни турската јавноста, танцуваше околу столб со државното знаме

А1он