Полицијата во Тетово денеска за речиси два часа приведе три лица откако кај нив е најдена марихуана. Двајца од приведени се малолетници на 17 години.
– Околу 14 часот, на улица „Ѓорче Петров” во Тетово, полициски службеници на СВР Тетово лишиле од слобода двајца малолетници од Тетово на возраст од 17 години. При нивен преглед и во нивна непосредна близина им била пронајдена марихуана. Се расчистува и документира случајот и ќе следуваат соодветни поднесоци. Денеска, исто така,околу 15 часот и 50 минути во тетовско Теарце лишен од слобода е А.Ф.(31) од ова село, затоа што му била пронајдена марихуана, информира Марјан Јосифоски, портпарол на СВР Тетово.
И на приведениот од Теарце ќе му биде изготвен поднесок по член 215 од Кривичниот законик.