Тетово направи патека за велосипедисти која поминува преку контејнери и бетонски столбови

Од:

Наместо пофални зборови, велосипедската патека во Општина Тетово стана мета на потсмев и шеги. По повеќе години барања од жителите за означување на патека за велосипеди, сега, таа поминува преку контејнери, бетонски столбови, високи пешачки острови. Ваквата обележана патека, стана и регионално позната откако фотографија од патеката беше споделена на српскиот профилот на „Твитер“, „Улици за велосипедисти“, со наслов „Ни стигнаа поздрави од Тетово“. Дека патеката е куп недостатоци, воочила и општината, па од попладнево ги отстранува „пречките“.

А на социјалните мрежи, шегите за недостатоците на патеката се на сметка на градоначалничката Теута Арифи.

„Во меѓувреме во Тетово… И барале на Теута вело патека, она да ти се изнервира и да им напраи. Наравоучение: не ги нервирајте градоначалниците!“, пишува во еден од твитовите.

Од неформалното здружение „На точак“, предупредија дека поради ширината на патеките, тие се небезбедни, ниту комотни за велосипедистите.

„Тесни ленти и патеки се показ на волја до некаде, но мораме да предупредиме дека не се безбедни, ниту комотни за луѓето кои возат точак. Ако патеките не се удобни, тие и понатака ќе ги користат лентите за автомобили. Од една страна добра вест, зашто има размрдување. Од друга страна, лентата е исклучително тесна!“, велат од „На точак“.

Патеката е долж булеварот „Илинденска“, а од Тетово велат дека се работи на тоа лента за велосипедисти да биде поставена низ целиот град.

Би можело да ве интересира

Тетовските социјални работници побараа поголема заштита од надлежните служби

Маж од Тетово ги нападнал неговата мајка и неговиот брат

Протест во Тетово – се бара расветлување на трагедиите со голем број жртви

Автомобил тешко повреди велосипедист, возачот е во бегство

Удрил во количка со 15-месечно бебе на пешачки и избегал, детето е повредено

Уапсен лихвар од Тетово, пронајдени се списоци со должници и предмети земени од жртвите