М.А. (53) од тетовско Теарце се здобил со исчашување на рамото откако патнички воз удрил во неговата приколка за тракторот што го управувал. Сообраќајната незгода се случила денеска, околу 13:30 часот, на железнички премин Теарце-Прељубиште, информира портпаролот на СВР Тетово, Марјан Јосифовски.
Според портпаролот, врз тракторскта приколка удрил патничкиот воз број 663 што сообраќал на релација Кичево – Тетово – Скопје и ја превртел, по што се превртел и тракторот. Со видлви оштетувања бил и предниот дел од возот.
– М.А. се здобил со телесни повреди, исчашување на рамото и веднаш бил префрлен во Тетовската клиничка болница, каде е задржан за натамошно лекување. По овластување на јавниот обвинител увидот на местото од несреќата го врши екипа на СВР Тетово и до неговото завршување сообраќајот на овој дел од железничката пруга ќе биде во прекин, рече Јосифовски.
Според првичните информации причини за судирот е невнимателното преминување на железничкиот премин од страна на возачот на тракторот со приколката.
