Тешко повредениот велешанец Бојан Кимов, кој денеска околу 10:20 часот падна од трети кат на зграда во Велес по укажаната прва помош поради тешките повреди е префрлен на понатамошно лекување во Скопскиот клинички центар.
Како што информира за МИА, д-р Ниметула Лимани тешко повредениот 30-годишен маж кај нив бил донесен со многу повреди по целото тело и скршеници по сите коски, на главата.
– Кај повредениот констатиравме повеќе повреди. Веднаш го саниравме тоа што беше најитно, односно направена е тампонажа на носот кој обилно крвареше, а повредите на телото се имобилизирани, односно на левата подлактица и на десното колено и преврзани се сите рани по телото. Поради сериозноста на повредите со возило на Брза помош е пренесен во Ургентниот центар во Скопје, каде итно му е направено снимање со томографија за точно да се утврдат сите повреди на настраданиот, рече д-р Лимани.
Инаку, како што не информира д-р Лимани повредениот бил свесен и им кажал дека самиот се фрлил од третиот кат во зградата.
