Во три сообраќајни несреќи, тешко повредени се тројца пешаци. Сообраќајните несреќи се случиj на територија на Скопје, Куманово и Битола, информираа од Министерството за внатрешни работи.
На крстосница од улиците „Васил Ѓоргов“ и „Шарски Одреди“ во Скопје, патничко возило „фолксваген фокс“ управувано од З.А., на возраст од 60 години од главниот град на државава, удри во пешакот Б.К., 59-годишна скопјанка. Во несреќата, со тешки телесни повреди се здоби Б.К., констатирани во Градската општа болница „Свети Наум Охридски“ – Скопје.
На улицата „Смилевски конгрес“ во Битола, мотоцикл удри во пешакот С.Д., 76-годишна битолчанка и го напушти местото на настанот. Во несреќата, со тешки телесни повреди се здоби С.Д., констатирани во болницата во Битола.
На улицата „Народна револуција“ во Куманово, патничко возило „даеву тико“ управувано од М.Ј., на возраст од 23 години од овој град, удри во С.К., 67-годишна сограѓанка. Во несреќата, со тешки телесни повреди се здоби С.К., констатирани во Општа болница – Куманово.
Извршени e увид од увидни екипи на секторите за внатрешни работи – Скопје, Куманово, Битола.