И.М. (41) од село Митрашинци, Беровско, и М.С. (61) од Делчево, двајцата работници во градежното претпријатие „Гранит“, се тешко повредени при скокање од дигалка што ја управувале.
Според МВР, И.М. и М.С. работеле на автопатот Кичево – Охрид, во атарот на село Пополжани. Во еден момент, при кревање кран, дигалката изгубила рамнотежа и се превртела поради што тие скокнале од работната кабина при што здобиле скршеници на рацете и нозете.
Поради сериозноста на повредите, по укажаната лекарска помош работниците се префрлени во Болницата Св. Еразмо.
Увид на местото изврши екипа од Полициска станица Кичево.
