Патничка од Скопје во автобус на ЈСП вчера се здобила со тешки телесни повреди откако паднала на второто ниво во автобусот.
Во СВР Скопје, како што соопшти денеска Министерството за внатрешни работи, во 12:20 часот било пријавено дека на булевар „Свети Климент Охридски“, во моментот на отпочнување со движење на автобусот на ЈСП од автобуска постојка, управуван од Д.К.(55) од Скопје, на второто ниво во внатрешноста на автобусот паднала скопјанката М.Ј.(77).
Притоа, таа се здобила со тешки телесни повреди, по што била пренесена во Градската општа болница „Свети Наум Охридски“ за укажување на лекарска помош.
Извршен бил увид на местото на настанот од увидна екипа од СВР Скопје.
