Тешко повреден 35-годишен маж од Штип бил донесен во Комплексот клиники „Мајка Тереза“ во Скопје, а случајот во полиција бил пријавен вчера во 10 часот.
Според МВР, таткото на повредениот пријавил дека на 16 септември од јавна здравствена установа во гевгелиско, каде што неговиот син се лекувал, бил известен дека тој паднал од кревет и се повредил.
Од друга страна, повредениот пријавил дека додека бил во установата бил физички нападнат од болничар.
Од СВР Скопје информираат дека се преземаат мерки за расчистување на случајот.
