Вчера вечер во 20.55 часот во Полициската станица Кавадарци било пријавено дека на крстосницата од улицата „Никола Минчев“ и булеварот „Македонија“ во Кавадарци, патничко возило „тојота ланд крузер“ со велешки регистарски ознаки, управувано од 21-годишниот Р.Ј. од Кавадарци, удрило во 83-годишниот П.Ч. од Кавадарци, информира МВР.
– Во несреќата со тешки телесни поврди се здобил П.Ч. и бил пренесен во Општа болница Кавадарци, а подоцна и во Комплекс клиники „Мајка Тереза“ во Скопје, каде на 02.03.2022 во 00.05 часот починал. Бил извршен увид на местото, а по наредба на Јавен обвинител на телото на починатиот ќе биде извршена обдукција, соопшти МВР.