Со тешки повреди се здобил мотоциклист при судир со возило „пасат” синоќа во Неготино, извести портпаролката на СВР Велес, Биљана Ѓаковска.
– Вечерва во 20.45 часот во ОВР Неготино било пријавено дека на крстосницата од улиците „Идустриска” и „Маршал Тито” се случила сообраќајна несреќа меѓу мотоцикл „сузуки” управуван од А.К.(54) од Кавадарици и возило „пасат“ управувано од Ф.А.(29) од Виница. Во несреќата со тешки повреди се здобил возачот на мотоциклот, констатирани во болницата во Кавадарци, појасни Ѓаковска.
Увид на местото на несреќата извршила увидна екипа од Одделението за внатрешни работи од Неготино.