Тешка сообраќајна несреќа во Штип – тинејџер со мопед удри во две девојки

Една девојка е тешко повредена, а нејзината другарка има полесни повреди, откако во нив удрил мопед кој бил возен од 17-годишен тинејџер, вчера во Штип, соопшти полицијата.

Следете a1on на Instagram

„На 13.05.2021 во 22.20 часот во СВР Штип било пријавено дека на крстосница од ул.„Железничка“ со ул.„Гоце Делчев“ во Штип, мопед „априлиа“, со штипски регистарски ознаки, управуван од 17 – годишен малолетник од с.Стар Караорман, штипско, каде сопатник бил уште еден малолетник, удрил во пешаците А.К.(21) и Р.М.(21), двете од Штип. Во незгодата Р.М. се здобила со тешки телесни повреди, а А.К. се здобила со телесни повреди, констатирани во Клиничката болница Штип“, велат од МВР.

За настанот бил известен Јавен обвинител, а увид на местото на незгодата извршила увидна екипа од СВР Штип.