Тешка сообраќајна несреќа попладнево се случи во Охрид. Автомобил со охридски регистарски таблички заврши превртен на покривот. Според информации од СВР Охрид, лесно повреден е само возачот.
Сообраќајката се случи кај населбата Рача, на излезот од Охрид, во близина на бензинската пумпа кај СРЦ „Билјанини извори“.
Во тек е увид чии првични наоди укажуваат на тоа дека возилото се излизгало, велат од СВР Охрид, од каде додаваат дека точните причини за несреќата ќе се знаат по завршувањето на увидот.
Засега нема информации за тешко повредени во сообраќајката.