Тешка сообраќајна несреќа на патот за Дебар – скопјанец загина, тројца се повредени

Од:

Возач на патнички автомобил го загуби животот во сообраќајна несреќа на регионалниот пат Маврови Анови-Дебар, додека три лица, кои биле сопатници во возилото со тешки повреди се пренесени на скопските клиники.

Според информациите од СВР Тетово, сообраќајната несреќа се случила околу 16 часот на регионалниот пат Маврови Анови-Дебар.

Во близина на Ростушки мост се судриле патничко моторно возило „Хјундаи Акцент“ со скопски регистарски ознаки, што го управувал А. Ѓ. (68) од Скопје и товарно возило со српски ознаки, што го управувал Љ. Д. (52) од Панчево, Србија.

Од првичните информации на полицијата, во несреќата, возачот на патничкото возило починал на самото место, а тројца сопатници на возраст од 26, 30 и 34 години, пренесени се во Скопје за укажување на лекарска помош.

На местото на несреќата увид вршат Јавен обвинител и екипа од ОВР Гостивар.

Би можело да ве интересира

Во целосен прекин сообраќајот на регионалниот пат кај мотел „Велес“ до Велес

Четворица повредени во сообраќајка во Кавадарци

Сообраќајка на експресниот пат Штип, сообраќајот се пренасочува по магистрален пат Штип – Радовиш

Од Дебар до Тирана за еден час, пуштен во употреба големиот тунел на автопатот „Патот на Арбр“

Две жртви и еден тешко повреден во сообраќајка на влезот во Битола

ВИДЕО: Двајца загинати во тешка сообраќајна несреќа на патот Штип-Кочани