Вчера во 14.20 часот во СВР Тетово било пријавено дека на локалниот пат село Брвеница – село Челопек се случила сообраќајна несреќа помеѓу возило „БМВ“ управувано од С.Д.(28) од село Челопек, и мопед управуван од малолетник од село Милетино, општина Брвеница.
Во несреќата со тешки повреди се здобиле малолетникот, кој го управувал мопедот и неговиот малолетен сопатник од село Милетино, а констатирани во Клиничка болница Тетово, по што повредените биле пренесени во Комплекс клиники „Мајка Тереза“ Скопје.
На местото на сообраќајката е извршен увид од надлежен Јавен обвинител и увидна екипа од СВР Тетово.