На магистралниот пат Охрид-Кичево, во близина на местото „Сливоски анови“, вчера во 9.30 часот се случила тешка сообраќајна несреќа. 27-годишниот Е.М. од селото Радолишта, струшко, управувајќи возило „БМВ“ со струшки регистарски ознаки, изгубил контрола над возилото, удрил во сообраќајни знаци за обележување на автопатот во изградба, и излетал од патот.
Во незгодата со тешки телесни повреди се здобиле возачот Е.М. и неговите сопатници, 31-годишниот Р.Ф. од Струга и седумнаесетгодишник од Струга.
Тие се пренесени во болницата „Свети Еразмо“, каде Е.М. и Р.Ф. биле задржани на лекување, додека малолетникот, поради сериозноста на повредите опасни по живот, бил префрлен во Ургентниот центар во Скопје.