Скопјанката С.Н. (59) во Полициската станица Ѓорче Петров пријавила дека во периодот од 19 часот на 12 ноември до 10 часот вчера непознат сторител извршил тешка кражба во нејзината куќа во изградба во скопското село Волково.
МВР информира дека сторителот насилно влегол во куќата и одзел една бормашина, две хилти, моторна пила за сечење дрва, околу три килограми бакарни цевки, три котура ПВЦ кабли, едно куќиште и еден монитор за компјутер и разновиден алат.
Откако го извршил делото, сторителот побегнал во непознат правец, стекнувајќи се со противправна имотна корист од околу 80.000 денари. Се преземаат мерки за пронаоѓање на сторителот и за целосно расчистување на случајот.