Непознати сторители во периодот од ноември 2017 до вчера извршиле тешка кражба во базната станица на „Македонски телеком“ над селото Седларево – Тетовско, соопшти МВР.
Вработен во фирма за одржување на базните станици на „Македонски телеком“ во полициското одделение Групчин вчера напладне пријавил дека во тој период непознати сторители извршиле тешка кражба.
Сторителите со употреба на сила го оштетиле контејнерот на базната станица и одзеле акумулатор и 150 литри нафта, со што се стекнале со противправна имотна корист од 15.000 денари и причиниле материјална штета од околу 25.000 денари.
Се превземаат мерки за пронаоѓање на сторителите и за целосно расчистување на случајот.