Тепачката во Кавадарци била за место за продажба на пиперки, информира Верољуб Додевски, портпарол на СВР Велес, за групната тепачка која се случи попладнево на градскиот пазар во Кавадарци.
– Во тепачката учестувале две групи. Двајца браќа од Росоман и тројца браќа од кавадаречкото село Шивец. Случајот се води како нарушување на јавниот ред и мир, вели Додевски.
Веднаш реагирала и Брзата помош од градот.
- Бидејќи еден повреден се жалел на болки во главата и е неопходно негово набљудување бидејќи последици можат да се јават и подоцна, пренесен е во кавадаречката општа болница, во свесна состојба. Таму продолжува следењето на неговата здравствена состојба, изјави д-р Вера Соколова, началник на Службата за итна медицинска помош при Здравствен дом Кавадарци.