Осумнаесетгодишно лице од Желино се здобило со тешки телесни повреди, а две лица од Палатица на возраст од 17 и 18 години биле задржани во полицијата по тепачка што вчера попладне околу 18 часот се случила на улицата „Маршал Тито“ во Тетово во непосредна близина на Центарот за култура „Иљо Антевски-Смок“, информираше портпаролот на СВР Тетово Марјан Јосифовски.
Во тепачката на која и претходела бурна вербална расправија, тешки телесни повреди задобил Е.Р.(18) од Желино, кој со возило на Брза помош бил пренесен во тетовската клиничка болница и по укажаната лекарска помош, итно е префрлен на скопските клиники.
Како учесници во тепачката посочени се две лица од Палатица, на возраст од 17 и 18 години, кои во присуство на нивните родители нешто подоцна биле приведени и во консултација со јавен обвинител биле задржани во СВР Тетово.
Се преземаат мерки и активности за целосно расчистување на случајот.
