Пратениците на ДПА и ДУИ физички се пресметаа на Комисијата за финансии и буџет. Собранискиот канал го прекина преносот откако по говорот на пратеникот на ДПА се виде како двајца пратеници Талат Џафери и Орхан Ибраими се најдоа во размена на боксови и на подот на салата.
Ибраими беше на говорница и говореше против намерата на власта да крати од предвидените инвестиции во Тетово, како тие за водовод и библиотека, по што слушнал како го пцујат од местата предвидени за ДУИ во салата.
Ибраими фрли со пенкало накај пратениците Талат Џафери и Реџаил Исмаили, а потоа му удри и бокс на Исмаили. По ова се вклучија сите пратеници на ДПА и ДУИ во масовна тепачка, по што регираше обезбедувањето.
Еден од пратениците побарал и лекарска помош кај докторот во собраниската зграда.
Ова е продолжение на вчерашната жестока дебата за ребалансот на буџетот. ДПА ја обвинува ДУИ дека нема никакво влијание во коалицијата и дека не се грижи за потребите на Албанците.
Фото и Видео: Алсат