Во тепачка со ножеви за време на куќна слава во Куманово, повредени се три лица. Инцидентот започнал со вербална расправија, меѓу 36-годишниот Љ.Т. и 26 годишниот А.М.
Во еден момент постариот гостин со нож му нанел убодна рана во вратот на помладиот кој возвратил и го повредил со нож во стомакот.
Во обид да ги раздвои гостите, настрадала и домаќинката, 58-годишната Д.К., која се здобила со повреда на левата рака.
На сите тројца им била укажана лекарска помош во Клиничкиот центар во Куманово. Полицијата работи на расчистување на случајот.
