На улицата „Метрополит Теодосиј Гологанов“ во Скопје синоќа околу 22 часот на С.М. додека управувал такси возило „Киа Сид“ со скопски регистарски ознаки, патот му го пресекол Д.Ц.(31), од Скопје.
Веднаш потоа С.М. му се обратил да внимава бидејќи за малку ќе го прегазел, по што. Д.Ц. се стрчал кон возилото и со тупаница удрил и го скршил ветробранското стакло.
Откога С.М. излегол од возилото физички бил нападнат со удари со раце во пределот на главата и телото. Потоа Д.Ц. се обидел физички да го нападне и патникот кој се превезувал во возилото, но тој успеал да избега.
Полициски службеници интервенирале на лице место при што Д.Ц., кој давал активен отпор, е приведен во полициска станица и по целосно расчистување на настанот ќе му биде поднесена соодветна пријава.