На улицата „Пролетерски бригади“ во Струга вчера имало тепачка меѓу малолетници, со што бил нарушен јавниот ред и мир.
СВР Охрид соопшти дека еден малолетник бил физички нападнат од едно лице, а потоа се вклучиле и другите од групата.
-Причина за нападот е што во 9 часот и 10 минути во претходна расправија било искршено стакло на паркирано патничко моторно возило „мерцедес“, за што оштетениот бил повикан кај директорот на средното училиште „Ибрахим Темо” и го посочил напаѓачот како сторител на оштетувањето, стои во информацијата.
Според соопштението, физички било нападнато и лице, кое се обидело да ги раздвои.
Полициската станица од Струга презема мерки за расчистување на случајот.