Европската интеграција на Македонија, реформската агенда, политичките случувања во земјава и мигрантската криза беа тема на дискусија на денешниот телефонски разговор меѓу вицепремиерот за европски прашања Фатмир Бесими и австрискиот министер за надворешни работи Себастиан Курц.
Заменик претседателот Бесими, соопшти СЕП, во телефонскиот раговор во доцните попладневни часови информираше за последниот статус на имплементацијата на политичкиот договор од јуни/јули и итните реформски приоритети.
Министерот Курц, пак, потврди дека Австрија продолжува и понатаму силно да ја поддржува Македонија на нејзиниот пат на реформи и европска интеграција.