Пред основното училиште „Коле Неделковски“ во скопската општина Центар каде има избирачко место стои паркиран автомобил во кој има партиски активисти кои забележуваат кој излегува да гласа, објави Либертас.
Истовремено, како што информираат за Либертас од една од партиите, активистите на другата партија се јавуваат кај запишаните во избирачкиот список и ги потсетуваат дека треба да гласаат.
До нашата редакција пристигна и информација за случај каде активистите се јавиле кај жена која гласа на ова избирачко место и и дале инструкции да гласа за еден од кандидатите, па потоа да отиде во нивниот партиски штаб за да се потпише дека гласала. Таа била зачудена од ваквиот потег бидејќи ниту е член на партијата, ниту знае од каде во партијата го имаат нејзиниот телефонски број.
За ова се пожалила на избирачкиот одбор, но од таму не презеле ништо по што таа случајот го пријавила во Општинската изборна комисија.
