Жител од струшкото село Џепин им нанел прострелни рани од пиштол на својот син и на неговата внука.
Расправија се случила денеска околу пладне во семејната куќа на таткото Е.К. Во еден момент, појаснуваат од СВР Охрид, тој извадил пиштол и пукал во синот Б.К., како и во внуката М.К, инаку ќерка на неговиот син.
Повредените се пренесени во Општата болница во Струга, а напаѓачот е приведен во полициската станица во Струга. Немилиот настан го потврди и портпаролот на Секторот за внатрешни работи од Охрид, Стефан Димоски кој најави дека по расветлувањето на случајот, против Е.К. ќе биде поднесена и соодветна кривична пријава.