Четириест и две годишниот Б.Д. од с.Неготино, Гостиварско, и неговиот 17-годишен син, ученик во Гимназијата во селото, физички го нападнале директорот на гимназијата, К.Р. (43) од с.Топлица при што му нанеле повреди во пределот на главата.
Како што соопшти МВР, настанот бил пријавен вчера во 13.50 часот во полициското одделение Галате од страна на Б.Р. (45) од с.Неготино, а се случил во дворот на гимназијата.
– К.Р. бил пренесен во Медицински центар Гостивар каде што му била укажана лекарска помош и констатирана скршеница на носот. Увид на местото на настанот извршила увидна екипа од Полициската станица Гостивар. По преземени мерки лицата се приведени во ПС Гостивар и со нив е извршен разговор, се наведува во соопштението.
По целосно документирање на случајот против напаѓачите ќе биде поднесена соодветна пријава.
