Таравари: Жалосен ден за цела Македонија

Од:

Градоначалникот на Гостивар, Арбен Таравари, ја посети скопската болница „8 Септември“ каде се хоспитализирани најголем дел од повредените патници од автобусот на „Дурмо турс“ кој попладнево се преврте на автопатот Скопје – Тетово.

Таравари посочи дека автобусот сообраќал на релација Скопје – Гостивар и со него патувале претежно гостиварци.

Во „8 Септември“ биле донесени 35 патници од кои петмина им подлегнале на повредите. Од останатите хоспитализирани петмина се во критична состојба.

Таравари посочи дека петмина од патниците биле примени и во Клиничката болница, од кој двајца се во сериозна состојба. Тој, како и министерот Филипче претходно, потврди дека шоферот е жив и во релативно стабилна состојба.

Гостиварскиот градоначалник изјави дека разговарал со семејства на жртвите и повредените околу тоа дали во овој момент им е потребна некаква помош и посочи дека се преземаат сите можни медицински мерки пациентите до утре да бидат во подобра здравствена состојба.

Кристијан Ландов

Би можело да ве интересира

Во Скопје вчера 10 сообраќајки, повредени осум лица

Ана Ололовска

Мигранти повредени во сообраќајка кај Сопот

Ана Ололовска

На патот Велес-Згрополци 18-годишник излетал од патот

Ана Ололовска

Осумдесет и деветгодишник тешко повреден при сообраќајка во Кавадарци

Ана Ололовска

Во прекин сообраќајот на регионалниот пат Битола – село Драгош

Ана Ололовска

Верижна сообраќајка кај „Скопјанкa“

Татјана Ташкова