Таравари: Сите пациенти хоспитализирани во Солун се во стабилна состојба

Од:

Сите пет пациенти примени во болниците во Солун се во стабилна состојба, објави министерот за здравство Арбен Таравари, кој заедно со министерот за надворешни работи и надворешна трговија Тимчо Муцунски, изутринава беа во посета на повредените од пожарот во Кочани кои се хоспитализирани во болницата „Папаниколау“ и Воената болница во Солун.

Во болницата „Папаниколау“ се хоспитализирани три лица, а во Воената болница уште двајца повредени, сите со тешки изгореници.

– Денеска во раните утрински часови заедно со министерот за надворешни работи г.Тимчо Муцунски и со Д-р Илир Вела дојдовме во Солун за да ја видаме состојбата на пациентите хоспитализирани овде. Само што излеговме од „Општата болница Г. Папаниколау“ и Војната Болница во Солун, сите 5 пациенти примени во овие болница се во стабилна состојба! Им благодарам на нашите колеги во Солун, грчкиот народ и влада за нивната посветеност и помош! Ќе ве информираме за другите пациенти!, напиша Таравари на Фејсбук.

Дописничката на МИА од Грција претходно јави дека Таравари и Муцунски за време на посетата на повредените во Солун беа придружувани од грчкиот заменик-министер за внатрешни работи Костас Јулекас, надлежен за областите Македонија и Тракија и од заменик-министерот за надворешни работи Тасос Хаѕивасилиу.

Би можело да ве интересира

Средба Муцунски – Грир: Постигнат конкретен напредок во преговорите за намалување на тарифите и дефинирање на следните чекори кон потпишување Договор за слободна трговија

Одбраната од денеска има увид во доказите за пожарот во „Пулс“, продолжува истрагата за полицајците

Катерина Ѓуровски

Рубио на средбата со Муцунски побарал НАТО сојузниците да поддржат до пет проценти извојување од БДП за одбраната

А1он

Повредените во „Пулс“: Ако си замине докторката Паниќ-Мирчоска ќе останеме без професионално лекување

Горан Наумовски

Левица поднесе кривична пријава за Мицкоски за истрагата за трагедијата во Кочани

За пожарот во „Пулс“ осомничен и сопственикот на објектот